'Telefono mugikorrak eta adin txikikoak', aurtengo Euspot Lehiaketaren gaia

Euspot Lehiaketaren laguntzaile izango da Bai Euskarari Elkartea, bosgarren urtez

2024-02-07
Bai Euskarari Elkartea

Gaur, otsailak 7, aurkeztu da Euspoten edizio berria Aretxabaletan, Mondragon Unibertsitatearen Aretxabaletako campusean. Aurkezpenean parte hartu dute Naiara Okina, Arizmendi ikastolako komunikazio arduradunak; Garikoitz Iturbe, Aretxabaletako alkateak; Arantzazu Lagunilla, Arteman Komunikazioko zuzendariak; Alex Zenarruzabeitia, Bai Euskarari Elkarteko aholkulariak; eta Xabi Igoa, Humanitate eta Hezkuntza Zientzien Fakultateko Komunikazio arloko zuzendariak.

Aurten ere Bai Euskarari Elkarteak laguntzaile bezala parte hartuko du. Gure helburua lan munduan euskararen erabilera areagotzeko eragitea izanik, estrategikotzat jotzen dugu ikus-entzunezkoen industrian, teknologia eta berrikuntza arloan, kulturan eta gazteen artean eragitea.

Euskarazko spoten sorkuntza bultzatzeko sortu zen Euspot euskarazko spot lehiaketa 2011 urtean. Euskal Herrian aitzindaria da euskara, sormena eta publizitatearen arloa uztartzen eta erreferente bilakatu da euskarazko publizitatearen harrobia lantzen. Aurten 13. edizioa egingo da eta landu beharreko gaia honakoa da: Telefono mugikorrak eta adin txikikoak. 2024ko edizio honetan Eusko Jaurlaritzako Kultura eta Hizkuntza Politika Saila izango da babesle nagusia.

Aurtengo gaia: 'Telefono mugikorrak eta adin txikikoak'

12 urteko seme-alabak mugikorra eskatu die gurasoei. Zer egin?

30 segundoko iragarki bat sortu beharko da mugikorrek adin txikikoei eskaintzen dizkieten aukera eta mehatxuak azaltzeko. Gizartean eztabaida bero-bero dago arlo honen inguruan; asko dira mugikorren erabilerari mugak edo debekuak jarri nahi dizkieten kolektiboak eta adin txikikoek egiten duten mugikorren erabilerarekin oso kritiko azaltzen direnak. Badira egitasmo konkretuak herri ezberdinetan martxan jarri direnak, guraso elkarte ezberdinetatik sustatu diren kanpainak, mugikorraren erabilera ezegokiak arazo larriak sor ditzakeela dioten profesionalak…

Helburua da 30 segundoko iragarki bat sortzea gizartean kontzientzia pizteko eta bereziki guraso gazteen kolektiboan eragiteko. “12 urteko seme-alabak mugikorra eskatu die gurasoei. Zer egin?” gaiari erantzun behar dioten spot sortzaile eta originalak bilatzen ari gara. Teknologiak eta mugikorrek adin txikikoei eskaintzen dizkieten aukera eta mehatxuak aintzat hartuko dituzten iragarkiak. Gizarte orokorrari, baina bereziki adin txikiko haurren guraso eta hezitzaileei zuzendutako iragarkia izan behar da.

3.000 euro baino gehiago saritan

Sei sari banatuko dira.

Sari nagusiak:

Spotik onena (1.000 euro).
Publikoaren saria (500 euro).
Gazteen saria, Bai Euskarari Elkartearen eskutik (14-18 urte) (500 euro).
Musika sinkronizazio onenaren saria (300 euro).

Sari gehigarriak:

Mondragon Unibertsitateko ikasleen spotik onena (500 euro).
Arizmendiko ikasleen spotik onena (250 euro).

Parte-hartzea

Parte-hartzaileek 2024ko maiatzaren 20a bitartean izango dute aukera euren lanak egin eta aurkezteko.

Euspot.eus webgunean dituzue oinarriak:

LEHIAKETAKO OINARRIAK

Chers amis, et chères amies,

Vous aussi vous pouvez soutenir notre projet en devenant Bai Euskarari Laguna.

L’objectif de l’association Bai Euskarari est d’impulser l’utilisation de l’euskara dans le secteur socio-économique, et cela dans tout le Pays Basque. Le certificat ou Label bai Euskarari est l’élément le plus distinctif de l’association, et en plus de ce projet, nous en avons d’autres qui visent à accroître l’utilisation de l’euskara toujours dans le secteur socio-économique : tel que le réseau d’entreprise et de professionnel Enpresarean, le portail de travail Lansarean, le comité d’entreprise Euskaragileak, Lanabes-Araban Euskara Lanean, etc.

Notre projet est principalement viable grâce à l’apport des entités certifiées, à savoir grâce à la communauté Bai Euskarari. Cependant, vous pouvez tout de même soutenir notre projet sans obtenir de certificat en devenant Bai Euskarari Laguna.

De plus, l’association Bai Euskarari a reçu la dénomination d’activité prioritaire de mécénat par Gizpukoako Foru Aldundia. Ainsi, vous aurez un avantage fiscal dû à la contribution faite à Bai Euskarari : une déduction de 18% pour les entreprises et 30% pour les particuliers.

DEVENEZ MEMBRE DE LA COMMUNAUTE BAI EUSKARARI