Harro herri, Bai Euskarari!

2024-03-21
Bai Euskarari Elkartea

Bai Euskarari Elkarteak Korrikarekin bat egin du aurten ere. Gure xedearekin bete-betean bat egiten du 23. Korrikaren mezuak, gainera:

Elkarrekin nahi ditugu

pausoak egin,

espazio berriak irabazi

eta, hitzez zein ekintzez,

aldarri egin.

Harro herri,

Bai Euskarari!

Batu Korrikara gurekin

Korrikan elkarrekin pausoak egiteko deia egiten dizuegu. Andoainen, Martin Ugaldeko lankideekin egingo dugu korrika, larunbatean; eta igandean, Korrikaren azken-aurreko kilometroa egingo dugu Kontseiluarekin eta Euskal Konfederazioarekin batera.

Festa handia antolatu dute Baionako bukaera egunerako, ikusi egitaraua.

Harro herri, eta harro KORRIKAn!

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna