Euskara lanean txertatzeko praktika onak, Euskaragileen eskutik

2024-02-02
Bai Euskarari Elkartea

Euskara planen dinamikan abiatu nahi duten enpresei zuzendutako topaketa antolatu zuen Bai Euskarari Elkarteak otsailaren 1ean Irizar kooperatiban, Euskaragileak proiektuaren barruan. Euskara planen inguruko zalantzak argitzea eta jakintza partekatzea izan zen topaketaren helburua. 30 bat lagun elkartu ziren; enpresa, administrazioa eta aholkularitzetako ordezkariak.

Nondik hasi euskara plana lantzen? izan zen gai nagusia eta euskara planetan aurreratuta dauden bost enpresatako praktika onen berri eman zuten: Cikautxo, Elay, Mondragon Korporazioa, Eika eta Irizar. Hitzaldien ostean bisita egin zuten Ormaiztegiko instalazioetan.

Bide batez, ekitaldi amaieran Rober Gutierrez Bai Euskarari Elkartearen zuzendari ohiari esker ona adierazi zitzaion Bai Euskarari proiektuan egindako lanarengatik.

IKUSI ARGAZKIAK

Hemen ikus ditzakezue kooperatiba bakoitzaren aurkezpenak:

Cikautxo

Eika

Elay

Irizar

Mondragon Korporazioa

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna