Lau entitate gehitu zaizkigu Bai Euskarari komunitatera

Captura_de_pantalla_2022-03-31_a_las_17.47.20.png

2022-03-31
Bai Euskarari Elkartea

Geroz eta gehiago zarete euskaraz erosi edo euskaraz lan egin nahi duten pertsonei aukera errazten dieten enpresa, saltoki eta era guztietako entitateak. Horren adibide dira martxoan Bai Euskarari Ziurtagiria eskuratu duten entitate hauek:

Zirkun Zirko Eskola (Getxo, Bizkaia)

Euskal Kanoe Federakuntza (Donostia)

Natur Polo (Lasarte-Oria, Gipuzkoa)

Loco Polo (Donostia)

Zorionak!

Gehitu zaitez Euskararen Mapara

Zuek ere aukera duzue Bai Euskarari Ziurtagiria eskuratu eta Euskararen Mapara gehitzeko. Interesa baduzue, bi bide dituzue:

Gurekin harremanetan info@baieuskarari.eus helbidera idatzita.
Zuen entitatearen hizkuntza egoera ezagutzeko bete auto-diagnostikoa eta jarriko gara zurekin harremanetan.

Denon artean arlo sozioekonomikoko eremu guztietan sustatuko dugu euskararen erabilera.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna