Bost entitate berri ditugu Bai Euskarari Komunitatean

2020-09-11
Bai Euskarari

Hazten doa Bai Euskarari Komunitatea eta horrekin batera baita Euskararen Mapa ere. Geroz eta gehiago zarete euskaraz erosi edo euskaraz lan egin nahi duten pertsonei aukera errazten dieten enpresa, saltoki eta era guztietako entitateak.

Bizitzen ari garen garai zail hauetan ere, badira euskararen aldeko konpromisoa hartzen duten entitateak. Horren adibide ditugu Bai Euskarari Ziurtagiria eskuratu berri duten bost entitate hauek:

Eureka! Zientzia Museoa, Donostia - Zerbitzua Euskaraz

Añanako Gatz Harana Fundazioa, Gesaltza Añana (Araba) - Euskararen Bidean

Grupo Gisma, Donostia - Euskararen Bidean

Patirke estetika zentroa, Gasteiz - Euskararen Bidean

Ramiro Mata Artstudio, Donostia - Euskararen Bidean

Zorionak eta ongi etorri Euskararen Mapara!

Gehitu zaitez Euskararen Mapara

Zuk ere aukera duzu Bai Euskarari Ziurtagiria eskuratu eta Euskararen Mapara gehitzeko. Interesa baduzu, bi bide dituzu:

Gurekin harremanetan info@baieuskarari.eus helbidera idatzita.
Zure entitatearen hizkuntza egoera ezagutzeko bete auto-diagnostikoa eta jarriko gara zurekin harremanetan.

Denon artean arlo sozioekonomikoko eremu guztietan sustatuko dugu euskararen erabilera!

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna