Bai Euskarari ziurtagiridunak protagonista Gasteizko merkataritza eta ostalaritza katalogoetan

2016-05-27
Bai Euskarari

Merkataritzan eta Ostalaritzan euskararen erabilpena bultzatzeko kanpaina jarri du martxan Gasteizko Udaleko Euskara Zerbitzuak. Bi katalogotan bildu dute Euskara Zerbitzuak eskaintzen dituen diru-laguntza, aholkularitza eta itzulpen zerbitzuen berri, besteak beste.

Bi katalogo horietako protagonista dira Bai Euskarari Ziurtagiria duten lau entitate: Humedal Informatik Zerbitzu Informatikoak, Jango taberna, 7 taberna eta Neuk denda.

Lau entitateen esanak jaso dituzte katalogoetan:

Humedal Informatik: "Bezeroek oso ondo baloratzen dute euskaraz artatua izateko aukera".
Jango taberna: "Bezero askok eskertu egiten dute zerbitzua euskaraz eskaintzea".
7 taberna: "Ikuspuntu komertzialetik begiratuta euskara garrantzitsua da, zerbitzu hobea eskaintzen ari baitzara".
Neuk denda: "Euskara erabiltzeko aukera eskaintzeak plus bat ematen dio dendari".

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna