Arabako ikasleen eta gazte ekintzaileen arteko topaketa

2022-10-24
Bai Euskarari Elkartea

Lansarean proiektuaren barruan, Arabako ikasleen eta gazte ekintzaileen arteko topaketa antolatu du Bai Euskarari Elkarteak. Topaketaren helburua da gazteek laneratze prozesuan izan ditzaketen kezken, zalantzen eta aukeren inguruan hitz egiteko euskarazko espazio bat sortzea.

Eguna: Urriak 28, ostirala.

Ordua: 9:30-11:00.

Lekua: Egibide Arriaga, Gasteiz.

Streaming bidez zuzenean ikusteko aukera duzue hemen:

Parte-hartzaileak

Gazteek laneratze prozesuan izan ditzaketen aukerak eta erronkak identifikatuko ditugu. Adibidez, lana bilatzeko momentuan ibilbide akademiko ezberdinek dituzten erronkak eta aukerak landuko ditugu; baita zailtasunak ere. Horretarako, lanbide heziketako ikasle bat eta unibertsitateko ikasketak egiten ari den beste bat izango ditugu gurekin.

Horretaz gain, ekintzaile bat eta langile bat ere izango ditugu topaketan eta euren ibilbidea kontatuko digute, ikasle izatetik langilera izatera. Prozesu honetan guztian euskarak duen balio erantsiari ere erreparatuko diogu. Gainera, laneratzean agertu daitezkeen zalantzak edota beldurrak argitzeko enplegu teknikari bat izango dugu.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna