Erantzukizun soziala, emakumezkoak lan munduan eta adimen artifiziala aztergai, 'Elkarrengandik ikasiz' solasaldietan

2022-10-11
Bai Euskarari Elkartea

Bai Euskarari Elkarteak Elkarrengandik Ikasiz solasaldiak antolatu ditu bigarren aldiz, Kutxa Fundazioak babestuta. Hiru lagun elkartu eta solasean jarri ditugu aurten ere, kamera aurrean, bakoitzaren ikuspuntua azaldu, eztabaidatu eta elkarrengandik ikasteko asmoz.

Bai Euskarari Elkartearen xedea da alor sozioekonomikoaren espazioak euskaraz betetzeko eragitea, komunitatea sustatuz eta tresna, baliabide zein proiektu berritzaileak eraikiz eta partekatuz. Xede horren barruan kokatzen dugu proiektu hau ere, Euskal Herriko enpresei ikasteko baliabide berri bat eman nahian.

Hiru gai, hiru solasaldi eta bederatzi parte-hartzaile ditugu aurtengo edizioan:

Enpresen erantzukizun sozialean sakontzen

Parte-hartzaileak:

Jennifer Alonso Fernández. Sutargi
Eider Manso Garmendia. Bexen Medical
Miren Urkizu Romero. Gizatea

Emakumezkoak lan munduan atzo eta gaur

Parte-hartzaileak:

Izaskun Landaida Larizgoitia. Emakunde (irailaren 14an grabatu zen solasaldia, Landaida Emakundeko zuzendari zela)
Maialen Olabe Aguirre. Euskadiko Gazteriaren Kontseilua
Maite Inda Aizpun. Emun

Adimen artifizialaren onurak, arriskuak eta erronkak

Parte-hartzaileak:

Josu Aztiria Urtaran. Orai NLP Teknologiak
Maite Goñi Eizmendi. EITB
Irati Rodriguez Lasa. Hupi

IKUSI SOLASALDIAK

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna