Ziburuko arlo sozioekonomikoan espazioak euskaraz betetzeko elkarlanean

2022-05-16
Bai Euskarari Elkartea

Maiatzaren 12an Ziburuko Herriko Etxean egon ginen bertako Euskara batzordearen aurrean Bai Euskarari Elkarteko aurkezpen bat egiten. Denon artean aztertu ahal izan genuen arlo sozioekonomikoan euskarak duen presentzia Ziburun eta elkarrekin eman ditzakegun urratsei buruz hitz egin genuen.

Herriko Etxetik hurrengoak gerturatu ziren:

Fanny LASCUBE: Hizkuntz Politikako aholkularia
Myriam Hammami: Ziburuko Kultura koordinatzailea
Leire LARRASA: Hezkuntza, Haurtzaro eta Gazteria auzapezordea
Emilie DUTOYA: Kultura, Ondare eta Bizitza komunitarioko auzapezordea

Hurrengo elkarteak ere gerturatu ziren:

Leo Lagrange elkartea
Jakintza elkartea
Larrunkoop elkartea
Euskal Hedabideak
Ziburu euskaldun
Itsas Begia
Ziburuko mediateka
Baltsan elkartea

Bai Euskarari Elkartearen xedea da alor sozioekonomikoaren espazioak euskaraz betetzeko eragitea, komunitatea sustatuz eta tresna, baliabide zein proiektu berritzaileak eraikiz eta partekatuz. Horretarako ari gara Euskal Herriko eragile ezberdinekin lanean eta Ziburuko Herriko Etxean zein Ziburuko herrian arlo horretan urrats berriak ematea espero dugu.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna