Arabako enpresen hizkuntza-kudeaketa hobetzen laguntzeko galdetegia

Captura_de_pantalla_2021-09-09_a_las_14.45.19.png

2021-09-09
Bai Euskarari

Arabako Lurralde Historikoan kokatuta dauden 20 eta 49 langile bitarteko enpresei galdetegi bat betetzea proposatu nahi zaie, hizkuntzen presentziari eta erabilerari buruzko informazioa biltzeko helburuz. Horrela, enpresei hizkuntza-kudeaketa hobetzen lagunduko dieten neurriak proposatu eta ezarri ahal izango dira.

Arabako Foru Aldundia, Eusko Jaurlaritza eta Gasteizko Udalak, Lanabes ekimenaren barruan, lankidetzan sortutako proiektua da honakoa.

Hiru erakundeen artean sortu da Arabako Enpresen Foroa proiektua ere, Lanabesen barruan. Arabako Lurralde Historikoaren alor sozioekonomikoan euskara sustatzea da bi proiektuon helburua eta Bai Euskarari Elkartea arduratuko da bien koordinazioaz.

Galdetegia

Arabako Lurralde Historikoan kokatuta dauden 20 eta 49 langile bitarteko enpresei egingo zaie galdetegia, honako gaien inguruan:

1. Hizkuntza gaitasuna. Ezagutza maila.

2. Hizkuntzen erabilera enpresaren komunikazioan.

3. Hizkuntzen sustapena enpresan.

4. Enpresaren beharrak.

Galdetegiak erantzun ostean, erantzun guztiak aztertu eta ondorioak ateratzeko txanda izango da. Hala, ondorio horietatik abiatuta enpresei hizkuntza-kudeaketa hobetzen lagunduko dieten neurriak proposatu eta ezarri ahal izango dira.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna