Euskara eta berrikuntza bat eginda

2019-12-13
Bai Euskarari

Bai Euskarari Ziurtagiria jaso du Innobasque Euskal Berrikuntzaren Agentziak Rober Gutiérrez Bai Euskarari Elkartearen zuzendariaren eskutik. Innobasqueko langileek parte hartu dute ekitaldian, Leire Bilbao zuzendariarekin batera. 'Bidean' maila eskuratu du Innobasquek eta, horrela, aitortu nahi zaie erakundeari zein bertako langileei euskara euren egunerokoan txartatzeko egiten ari diren lana.

Leire Bilbao Innobasqueko zuzendariak azpimarratu du ziurtagiri honek "Euskara Batzordeko aurtengo helburua" betetzen duela eta erakundearen barruan euskararen erabileran sakontzeko "bultzada" dela.

Bestalde, Rober Gutiérrez Bai Euskarariren zuzendariak aipatu du "berrikuntzak arlo sozioekonomikoan euskarazko espazioak argitzen, garatzen eta hedatzen" jarraitzeko aukera ematen duela eta Innobasqueko kideak animatu nahi izan ditu "alor sozio-ekonomikoan eragiten" jarrai dezaten. Era berean, esan du "berrikuntza eta euskararen arteko konexioa ezinbestekoa" dela, euskal gizarte eta ekonomiaren aukera, behar eta erronkei "erantzun berritzaileak" eskaintzeko eta "oinarri sendoak" sortzeko.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna