ETEeKIN, enpresa txiki eta ertainentzako informatika zerbitzu integrala

2019-07-08
Enpresarean

Joan den ostiraleko Enpresaren TBren zuzenekoan izan genituen Oreka ITko Arrate Sánchez eta Xabier Legarda ETEeKIN zerbitzuaren inguruko azalpenak ematen. Behar informatikoak azpikontratatu behar dituzten enpresa txiki eta ertainentzako produktu berezia da ETEeKIN. Abenduan jarri zuten martxan zerbitzua eta Oreka ITk garatzen duen ERP sistemaren bertsio txikia eskaintzen dute; ERP malguagoa eta eskuragarriagoa.

Horrez gain, enpresa txiki eta ertainentzako sistema informatikoen kudeaketa eta web zerbitzuak ere eskaintzen dituzte.

Eskaini zuten zuzenekoan dituzue Sánchezek eta Legardak emandako azalpenak:

Informazio gehiago duzue https://eteekin.eus/eu webgunean.

Oreka IT Bai Euskarari Ziurtagiria duen Arabako enpresetako bat da, SAP teknologian aditua eta erreferentea, bezeroen negozioei balore gehigarria emateko eta zerbitzua euskaraz eskaintzeko lanean ari dena. Hamar urte bete ditu berriki Oreka IT enpresak eta, urteurrenaren harira, aldizkari berezia egin dute. Bai Euskarari Elkarteko zuzendari Rober Gutiérrezen artikulu hau argitaratu dute bertan: Abangoardian.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna