121 gazte, hilabete bat, 798 km; 2019ko EuskarAbentura martxan da!

2019-07-03
Bai Euskarari

Uztailaren 1ean abiatu zen aurtengo EuskArabentura. Espedizioaren bigarren urte honetan, 16 eta 17 urte bitarteko 121 gazte euskaldunek zeharkatuko dute Euskal Herria. Zazpi probintzietatik igaroko dira, eta Mauletik Getxora, guztira 798 kilometroko ibilbidea osatuko dute gazte zein xerpek. Horietatik 483 kilometro oinez egingo dituzte.

Neska-mutil euskaldunen sare berri bat sortu eta elikatzea da EuskarAbentura egitasmoaren helburu garrantzitsuenetako bat. Zazpi probintzietako hiriburuak, UNESCOk Gizateriaren Ondare izendatutako guneak, eta Euskal Herriko toki enblematikoak zeharkatuko dituzte espedizioko kideek. Horretarako, hainbat bidelagun izango dituzte hilabetean zehar eta ekimen eta dinamika ugari prestatu dituzte gazteek hainbat balore barneratu ditzaten (parekidetasuna, ingurunearekiko errespetua, turismo eredu jasangarria…).

Argazkien egilea: EuskarAbentura

EuskarAbentura app-a

Espedizioa lehen pertsonan bizi ezin baina gertutik jarraitu nahi dutenentzat tresna baliagarria izango da ‘Euskarabentura’ aplikazioa.

Batetik, espedizioa unean-unean eta mapa baten gainean proiektatuta geolokalizatuko du. Bestetik, etapa bakoitzaren xehetasun teknikoak (kilometro kopurua, gainbehera, puntu garaiena nahiz baxuena, profila, zeharkatzen dituen herriak… etab.) jasoko ditu. Jzioquitarrek espedizioak iraun bitarte egin nahiz grabatutako argazki eta bideoak ere erakutsiko ditu, arian-arian eta geolokalizatuta.

Deskargatu EUSKARABENTURA APPa hemen

EuskarAbenturak Bai Euskarari Ziurtagiria du, 'Zerbitzua eta Lana Euskaraz' maila.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna