Bai Euskarari Elkarteak Ipar Euskal Herrirako Teknikaria behar du

2019-06-28
Bai Euskarari

Bai Euskarari Elkarteak Ipar Euskal Herrian Bai Euskarari Ziurtagiriaren sustapen lanean aritzeko TEKNIKARIA behar du. Era berean, Elkartearen gainerako proiektuetan ere lagunduko du.

Egun osoko lanpostua.
Orain hastekoa eta urte baterako. Luzatzeko aukerarekin.

Baldintzak

Hauek dira kontuan hartuko diren ezaugarriak:

Curriculuma eta erreferentziak.
Euskara eta frantsesa ongi menperatzea.
Lana antolatzeko gaitasuna, izaera planifikatua eta dinamikoa.
Harreman-sareak sortzeko eta kudeatzeko gaitasuna.
Komunikazio gaitasunak, taldeak dinamizatzeko gaitasunak eta antzekoak. Izaera komertziala.
Talde lanetan aritzeko gaitasuna.
Antzeko lanetan aritu izana.
Gida baimena eta autoa behar dira.

Hautaketa prozesua www.lansarean.eus lan-atariaren bitartez bideratuko da. Curriculuma eta erreferentziak Lansarean lan-atarira bertara igo beharko dira, 2019ko uztailaren 12aren aurretik.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna