Euskoa, trantsizio ekologikoaren eta euskararen aldeko tokiko moneta

2019-06-10
Enpresarean

Xebax Christy Euskal Moneta Elkarteko lehendakaria izan genuen ostiralean Enpresarean TB-ko zuzenekoan.

2013an sortu zen Ipar Euskal Herriko tokiko moneta da Euskoa. Hasieran bileteak ziren, baina 2017az geroztik, moneta digitala ere bada. Enpresa edo norbanako bakoitzak kontu bat ireki dezake elkarteak kudeatzen duen sistema batean eta kontu horri loturik ordainketa-txartela dute Euskoa darabilten komertzioetan erosteko.

Euskal Moneta sortzean bi helburu izan zituzten kontuan: Ekologia eta Euskara.

Trantsizio ekologikoa helburu hartuta, lurraldean praktikak aldatzeko eta hobetzeko tresna da Euskoa, tokiko ekonomia bultzatzen baitu.

Euskararen presentzia azkartzea da beste helburuetako bat. Euskoan sartzen diren enpresa guztiei engaiatzen zaie euskararen aldeko konpromisoak hartzea, langile bat euskara ikasten jarriz edo seinaletika elebiduna eginez. Horretarako Euskararen Erakunde Publikoaren laguntza ematen zaio.

Euskal Moneta elkarteak Bai Euskarari Ziurtagiria du, 'Bidean' maila.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna