Sei "gako teknologiko" gailentzen dira EAEn, Innobasqueren Prospektiba Txostenaren arabera

2019-06-06
Enpresarean

Big data, adimen artifiziala, zibersegurtasuna, robotika, Gauzen Internet (IoT) eta sentsorika eta biosentsorika arloak nabarmentzen ditu Innobasqueren 2019ko Prospektiba Txostenak. 216 eragilek elkarlanean osatu dute txostena eta atzo aurkeztu zuten, Innobasqueren Batzar Nagusian.

Innobasque Prospektiba Txostenak joera globalek euskal berrikuntzan izango duten inpaktua aztertzen du, mehatxuak eta aukerak bereiztuz.

Txostenean jaso dutenez, aldaketa demografikoek, Txinaren protagonismo gero eta handiagoak, klima aldaketak eta iraultza teknologikoak dira euskal berrikuntzaren ibilbidea marraztuko duten mundu mailako joera nagusiak.

Horiek kontuan izanda, lehentasunezko bi aukera aurreikusten ditu Innobasquek EAErentzat, berrikuntza arloan liderra izan dadin: digitalizazioa eta datuen garrantzia negozio-eredu eta ekoizpen-prozesu berrien lehengai gisa.

Mehatxu nagusien artean berrikuntzan eta teknologian Txinak hartu duen protagonismoa nabarmentzen da, Europaren galerarako.

Gara-ko albiste honetan duzue informazio gehiago eta Innobasqueren webgunean dago txostena eskuragarri.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna