Webgune iraunkorrak neurrira eta euskaraz

2019-04-15
Enpresarean

Lotura kooperatiba 1999an sortu zuen web eta diseinu munduan lanean urteak zeramatzan lagun talde batek. Hasiera batean beste zerbitzu batzuk eskaintzen bazituzten ere, gaur egun webguneen garapena eta eraldaketa digitalerako aholkularitzan dira adituak.

Enpresa edo behar bakoitzerako garapen pertsonalizatuak egiten dituzte. Sistema propioa dute eta ez dute egindako softwarea erabiltzen (wordpress eta joomla, adibidez). Kudeaketarako sistema berezia dute egokituta, bezeroen beharretara egokitzen dena. Garapena bideratuta dago webgunearen mantentzea ahalik eta errazena izan dadin; webgune iraunkorrak egiten dituzte.

Lanerako eta bizitzarako filosofia

Loturan garbi dute lana bizitzeko erreminta bat dela. Ez dira lanerako bizi, "bizitza duin bat egiteko" egiten dute lan. Kooperatiban kontziliatzeko erraztasunak dituzte adostuta lankideen artean.

Euskara iparrorratz

Loturan elebitan egiten dute lan eta Bai Euskarari Ziurtagiria dute. Webgune gehienak gaztelaniaz edo elebitan garatzen dituzte, baina bereziki gogoan dituzte euskara hutsean garatutakoak, proiektu bereziak izan direlako: Guggenheimen Artitz dokumentazio zentroa eta Kaixomaitia, adibidez.

Hemen duzue zuzeneko osoa ikusgai:

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna