Mintzanet zuzenean: "Euskara, profesionalen bidelaguna"

2018-05-24
Enpresarean

Ainara Loiartek, Mintzaneten koordinazio taldeko kideak Enpresarean TB zuzenekoa eskaini digu gaurkoan Mintzanet proiektuaren berri azaltzeko eta arlo profesionalean euskara bidelagun izateak dituen abantailak aurkezteko.

Egitasmoak "Bidelariak" eta "Bidelagunak" harremanetan jartzen ditu elkarrizketak euskaraz izateko. "Bidelaria" euskara praktikatu nahi duen pertsona da eta, "bidelaguna", laguntzeko prest dagoen euskalduna.

Enpresetan euskara sustatzeko jarraitzen duten plana azaldu digu eta adibide bezala jarri du Osakidetzarekin egindako proiektua. Hasieran, hiru hilabeteko esperientzia pilotua egin zuten eta orain sei hilabeteko modulu bat jarri dute martxan. Mintzaneten oro har gertatzen den bezalaxe, kasu honetan ere, izena eman duten bidelagunen araberakoa izan da sortutako bikote kopurua. Hau da, 150 pertsonak eman dute izena, baina horietatik 25 zirenez bidelagunak, 25 bikote egongo dira ekainera bitartean. Lehenago egindako pilotuaren emaitzak oso baikorrak izan zirela aitortu didu Loiartek, eta, horregatik, erabaki zuten ekimenarekin aurrera egitea.

Eta zu zer zara, "Bidelaria" edo "bidelaguna"?

Mintzanet-ek Bai Euskarari Ziurtagiriaren “Zerbitzua euskaraz” maila du eta euskararen erabileraren aldeko pausoak ematen ari da Bai Euskarari Elkartearen laguntzarekin.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna