Bai Euskarari, Enpresarean eta Lanabes jardunbide egokiak aurkeztuko dira Hitzargiak Topaketan

2016-06-22
Bai Euskarari

Ekainaren 23an eta 24an egingo da Hitzargiak Topaketa Hernaniko Orona Ideon. Hitzargiak Topaketaren xedea da biziberritze-prozesuan murgilduta dauden hizkuntza- eta hiztun-komunitateek elkar ezagutzea eta haien arteko harremanak sendotzea, etorkizuneko ibilbidean eraginkorragoak izan daitezen. Bai Euskarari Ziurtagiriaren Elkarteak ere bertan parte hartuko du eta jardunbide egokitzat hautatu dituzten Bai Euskarari, Enpresarean eta Lanabes proiektuak aurkeztuko ditu Rober Gutiérrez elkarteko zuzendariak.

Hizkuntza ekonomiaren sustatzaile izeneko mahai-inguruan parte hartuko du Bai Euskararik ekainaren 24an. Mahaian izango dira, Rober Gutiérrezekin batera: Orlagh Ní Raghallaig (Foras, Irlandako gaelikoa), Mirjam Vellinga (Afûk, frisiera), Jorge Gimenez (Bikain eta Euslan, euskara) eta Ainhoa Irureta (Eika kooperatiba, euskara). Galdera ezberdinak jarriko ditu mahai-gainean Anaje Narbaiza moderatzaileak, besteak beste:

Hizkuntza gutxituen normalizazio prozesuan urrats handia litzateke lan-munduan eragitea. Nola lortu lan-munduan eragitea?
Badu balio erantsirik hizkuntza txikietan aritzeak lan-munduan?

Donostia 2016 hiriburutzaren programaren barruan antolatu dute Hitzargiak Topaketa.

Topaketaren egitarau osoa duzue hemen.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna