Gasteizko taberna euskaldunen sarea aurkeztu dute

2019-10-26
Bai Euskarari

Gasteizen euskaldunak diren edo euskalduntzen ari diren tabernen sarea aurkeztu dute Bai Euskarari Elkarteak eta Gasteizko Mintzalaguna ekimenak. Bai Euskarari Ziurtagiria duten tabernek osatzen dute sarea eta bertan euskaraz kontsumitu edo mintzalagun praktikak egin ahal izango dira. Nohizbehinka dastaketak, mintzapotea, diaporamak eta bestelako ekintza osagarriak antolatuko dira.

Joan den ostegunean egin zuten aurkezpena Gasteizko Mintzalagunek: Falerina Tabernan hasi, Txistu garagardetegian jarraitu eta Dazz tabernan amaitu zuten.

Ekimenaren berri emateko eskuorria argitaratu da eta sarea osatzen duten tabernetan eskura dezakezue.

Gasteizko euskararen mapa

Gasteizen euskaraz kontsumitzeko aukerak ugaritu egin dira azken urteotan. Bai Euskarari elkarteak Gasteizko euskararen mapan biltzen ditu aukera hauek. Euskaraz kontsumitzera bultzatu nahi zaituztegu. Euskararen mapa osatzen lagunduko diguzu?

Jarri gurekin harremanetan: info@baieuskarari.eus / 677 415 084

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna