'Euskal Herriko K-1 Kirol Elkartea, bada beste modu bat' zuzenean Enpresarean TB kanalean

2019-02-27
Enpresarean

Euskal Herriko K-1 Kirol Elkarteko Jokin Ibarra eta Asier Garayar izango ditugu Enpresarean TB kanalean. Zuzenekoa eskainiko digute ostiral honetan martxoak 1, 11:00etan.

Enpresarean TBn Kirol Elkartearen berri emango dute eta 'Bada beste modu bat' izeneko hitzaldian kontatuko dute zein bide jarraitu duten Euskal Herria moduan mundu mailan lehiatu ahal izateko.

Nazioarteko borroka-kirola da K-1. Euskal Herriko selekzio bezala jokatu zuten mundu mailako txapelketan eta domina lortu zuten Errusia eta Ukrania bezalako herrien aurrean. Horren ondorioz, munduko federazioak Euskal Herria onartu du partaide bezala.

Datorren hilabetean munduko kopa jokatuko dute eta talde bat bidaliko dute Euskal Herria ordezkatzeko.

Euskal Herriko K-1 Kirol Elkarteak Bai Euskarari Ziurtagiria dauka, "Zerbitzua eta Lana euskaraz" maila.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna