Ekoguneak euskara ekologikoa aurkeztuko digu Enpresarean TB-n

Ekainaren 7an 11:00etan zuzenean izango dugu Itsaso Olaizola, Ekogunetik, euskara eta ekologiaren arteko loturaz hitz egiteko. Saioa, "Euskara: tokikoa, garaikoa eta ekologikoa" izenburupean emitituko da eta horrela iragarri dute Ekoguneko lagunek:

"Kultura ekologikoa sustatzeko ereduak eta ekintzak abiatzen ditugu Donostiako Kutxa Ekogunea parkean eta baita Gipuzkoako lurraldean ere.  Zerbitzua eta lana euskaraz eskaintzea eskubide linguistikoekin, kalitatearekin, gizarte erantzukizunarekin eta berrikuntza sozialarekin lotzeaz gain, gure berezitasuna, euskararen eta hizkuntza-aniztasunaren sustapenera EKOLOGIATIK iristean datza.   

Gaurko saioan, ingurumen eta hizkuntza kudeaketa zeharka eta zentralitatez nola egiten dugun eta hizkuntzari lotutako gure ekimen zehatzak zein diren  partekatuko dugu. Izan ere, euskara tokikoa, garaikoa eta ekologia dela argi dugu".


Kutxa  Ekoguneak Bai Euskarari Ziurtagiriaren “Zerbitzua eta Lana euskaraz” maila du eta euskararen erabileraren aldeko pausoak ematen ari da Bai Euskarari Elkartearen laguntzarekin.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

 

Izan zaitez Bai Euskarari Laguna


Iruzkina egin