Baieuskarari.eus Buber sarietarako hautagaien artean

Internet&Euskadik antolatzen duen Buber Sariketako hautagaien artean dago Baieuskarari.eus webgunea. Hain zuzen, Euskara arloko webgunerik onenaren kategorian, beste bederatzi webgunerekin batera. Orain, azken fasera pasatzeko txartela dago jokoan, eta hamar finalistetatik bostek lortuko dute azken fase erabakigarrian izatea.

Hautagaiak bozkatzeko epea zabalik dago azaroaren 18ra arte –egun hori barne–. Bai Euskarari egitasmoa euskararen sustapenean garrantzitsua dela sinisten baduzu, eman iezaguzu botoa. Oso erraza da:

1. Lotura honetan klikatu behar duzu lehenik.
2. Bigarren urratsa erregistratzea da, lotura horretan agertzen den formularioa betez.
3. Eman duzun e-posta helbidean mezu bat jasoko duzu, eta bozkatu ahal izateko eskaera baieztatu behar duzu.
4. Ondoren, hautagaitzen aurkezpenerako identifikazio formularioa bete behar duzu.
5. Gero, bozkatu ahal izateko, ezkerreko partean, zure e-postaren azpian, dagoen bozkatu hitza klikatu behar duzu.
6. Hori eginda, azken urratsa kategoria hautatzea da –Euskararen sustapenaren arloko webgunerik onena–, eta hamar hautagaien artean Baieuskarari.eus hautatzea eta bozkatzea.